Аляксандр Лукашэнка аб прэзідэнцкіх выбарах у Беларусі: пастараемся правесці так, каб камар носа не падтачыў

Прэзідэнт прыняў з дакладам старшыню ЦВК Ігара Карпенку. Прэзідэнцкія выбары ў Беларусі, якія маюць адбыцца ў 2025 годзе, неабходна правесці годна, каб камар носа не падтачыў. Такую ўстаноўку даў Прэзідэнт Беларусі, Старшыня Усебеларускага народнага сходу Аляксандр Лукашэнка, прымаючы з дакладам старшыню ЦВК Ігара Карпенку, перадае карэспандэнт БЕЛТА .  “Калі ўзяць рэтраспектыву і паглядзець з выбараў, якія прайшлі (Адзіны дзень галасавання ў лютым 2024 года. - Заўвага БЕЛТА) на выбары, якія мы павінны будзем правесці (прэзідэнцкія ў 2025 годзе. - Заўвага БЕЛТА), мы знаходзімся ў электаральным цыкле. Ад адных выбараў да іншых.  Час няпросты. Але пакуль палову шляху мы прайшлі даволі пасьпяхова. Дай Бог, каб і да выбараў так было”, - сказаў кіраўнік дзяржавы. Ён прапанаваў абмеркаваць некаторыя дэталі ў арганізацыі маючых адбыцца выбараў, уключаючы пытанні запрашэння міжнародных наглядальнікаў, работы з выбаршчыкамі. Што датычыцца даты выбараў, то адпаведнае рашэнне прыме парламент, але яны павінны адбыцца не пазней за 20 ліпеня 2025 года. “Я гатовы гэтыя пытанні ў першым набліжэнні абмеркаваць.  Я думаю, фармальных праблем не будзе з прыняццем рашэнняў і па іншых пытаннях. Ну а выбары пастараемся правесці так, каб камар носа не падтачыў. Нам няма ніякай неабходнасці (як гэта было і ў мінулыя гады) ціснуць, адміністрацыйны рэсурс выкарыстоўваць. Мы сумленна і прыстойна здольныя правесці гэтыя выбары”, - заявіў беларускі лідэр. “Мы павінны правесці годна гэтыя выбары. Не пакрыўдзіць людзей. Вось гэта - галоўнае. Выбары для народа, для нашай дзяржавы. Але не пакрыўдзіць людзей”, - дадаў Аляксандр Лукашэнка.  БЕЛТА Полная перепечатка текста и фотографий запрещена. Частичное цитирование разрешено при наличии гиперссылки: https://www.slonves.by/aleksandr-lukashenko-o-prezidentskih-vyborah-v-belarusi-postaraemsya-provesti-tak-chtoby-komar-nosa-ne-podtochil/