Экскурсія ў Брэст

Вучні 5-7 класаў ДУА «Сярэдняя школа № 8 г. Слоніма» здзейснілі экскурсійную паездку па маршруце «Слонім-Брэст-Слонім". Мы наведалі Брэсцкую крэпасць-герой, дзе пабывалі на тэматычнай экскурсіі ў музеі абароны Брэсцкай крэпасці, таксама зрабілі экскурсію па тэрыторыі крэпасці. Экскурсанты даведаліся шмат цікавых фактаў з гісторыі крэпасці. Але самым запамінальным уражаннем былі, вядома факты, падзеі і лёсы канкрэтных людзей-абаронцаў Брэсцкай крэпасці. Яшчэ адным цікавым аб'ектам экскурсіі быў Музей страчаных культурных каштоўнасцей, у якім захоўваюцца антыкварныя рэчы. Экскурсія завяршылася шпацырам па знакамітай у Брэсце алеі ліхтароў.